ماتباطيت القصيد الا تباطيتك ......

ما تباطيت القصــيد !!الا تباطيتك
والشعر في جيتك شكل وطعم ثاني ..



شوفك اقبلت ولمحتك في شطر بيتك
فكره مجنونه تسلى بضيقة اوزاني ..



يا اعذب احساس ٍ ملكني علك وليتك
تفهم الشعر ان شربك بصحة لساني ..



يعلم الله في غيابك ما تناسيتك
بس في مره نويت انساك ممداني ...



قلت ابنسى وارتفع صوتك ولبيتك
واثر خفاقي بصوتك عنك ناداني ..



ويش اسوي دامني بالجوف ربيتك ؟
طفل تسوى هالحياه بعين : شرياني ..



تلعب .. وتكبر .. وتكبر .. لين عديتك
بالغلا ( آخر نماي ) وكل ( خلااني )..



والله ان عمري بدا من يوم حبيتك
واعرف انه ينتهي لو قلت : تنساني ..



حط في بالك انا من عام حبيتك
ان صحيت بخافقي وان نمت باجفاني ..



ما بي غيري يلمحك حتى لــ غنيتك
غرت من صوت الصدى لا ردد الحاني ..



من كثر ما اشتقت لطيوفك تمنيتك
رمش عيني او تصير الشوف لا اعياني ..



وان تمادى هالحنين بجفني ضميتك
وقتها : القاك ! لكن ليه ما القاني ..



والله انك من لفيت بنبضي حييتك
وكني بقولة ( هلااا ) بيّنت حرماني ..

والله انك من لفيت بنبضي حييتك
وكني بقولة ( هلااا ) بيّنت حرماني


لاهنتي على الطرح الموفق الملاك..

تحيتي..

تسلمــــــــــين
يالغـــــاااليـــه

انتظر ابدااااااااعش

فديت روووحش





تقبلي ودي

الملاك

لاهنتي عالقصيده الرائعه

والله يعطيش العافيه

تقبلي تحياتي